يا صلاح يا جاهين

تعالي الحقني يا صلاح
قلبي وجعني ولا عايز يرتاح
احب ولا اكره اهه كله مشكلة
قلبنا الطيب دايما حكايته مأندلة

مهما اكبر ولا اصغر
هفضل كده زي ما انا
انت وانا
يا هل تري
احنا الغلط
ولا البشر قلبهم بقا حجر و زلط؟

تبتسم تحزن
تبكي تحزن
تنكسر ولا ينكسر قلبك
توصل ولا تتوه في دربك
هتفضل برضه في مشكلة

تخون او تسالم
تعادي ولا تأامن
هتتصدم برضه؟ولا هتتعلم؟
يا صلاح
اكتب
اصرخ
اتكلم

حب واعشق
و سالم وسلم

حزنك هيضحك حتي لو ليلك طال
شوقك هيرسي حتي بعد طول محال

المهم تفضل كده علي طول
طيب و حنين
و ببسمتك تمسح دمعة
والدنيا دايما تزين

حتي لو جواك مكسور
وحواليك اعادي
وجواك الف مليون سور
و في فؤادك عياط و عايز تثور

اضحك
ابتسم
اوكسر بقلمك الف غدار وغول

و يكش يلي يوجعك
ينكسر
يطق
يغور