عشانك يا بلدي
انا راجع
عشانك هاكون صانع
هاكون بنا
هاكون زارع
وهنور بالعلم الشوارع
وليكي يا بلدي
انا سامع
لاذانك وحكاويكي
وبنقش الحنة علي ايدي
وانا راسم لخطاويكي
ليعود الفرح تاني ليكي
مشوار حبك اجمل مشوار
دايما بعد الليل بيجي النهار
هنبدا بخطوة
وعينينا علي نورك
هنعلي بالايمان ونقوي سورك
بضحكة طفل
وطموح الشباب
بنصيحة اب
وحضن من اغلي الاحباب
بدعوة صالحة من قلب امي
الامل في عيون شبابك هيرجع ينمي
عشانك يا بلدي
يا ارضي وسمايا
يلي بنيلك اترويت من جوايا
مهما اشرق ولا اغرب
دايما معايا
حبك في روحي
حبك هوايا
هنزرع ونصنع ومفيش مستحيل
الفجر يشقشق بعد الليل
وشبابنا طموح طيب وجميل
اصل شبابك ابن بلد ..مصري اصيل
ليست هناك تعليقات:
إرسال تعليق